Mae yna amrywiaeth eang o adnoddau, gwasanaethau a rhwydweithiau cymorth ar gael i helpu plant a phobl ifanc b/Byddar i ffynnu gartref, adeiladu annibyniaeth, a chymryd rhan yn llawn ym mywyd y teulu a’r gymuned.
Dyfeisiau Rhybuddio a Diogelwch yn y Cartref
Mae yna amrywiaeth o ddyfeisiau rhybuddio arbenigol ar gael i gefnogi pobl f/Fyddar yn y cartref. Gall y rhain gynnwys offer sy'n defnyddio goleuadau sy'n fflachio, dirgryniadau, neu rybuddion gweledol eraill ar gyfer clychau drws, clociau larwm, ffonau, monitorau babanod, a larymau mwg.
Mae'n bwysig sicrhau bod trefniadau diogelwch tân yn bodloni anghenion pob aelod o'r aelwyd. Gall eich Gwasanaeth Tân ac Achub lleol roi cyngor a, mewn llawer o ardaloedd, gynnig ymweliad diogelwch yn y cartref am ddim.
- Gwybodaeth am Ddiogelwch Tân
- Gofyn am Ymweliad Diogelwch yn y Cartref
Cymorth i Deuluoedd
Mae teuluoedd yn aml yn elwa ar wybodaeth ac arweiniad wedi'u teilwra i'w hamgylchiadau unigol. Mae amrywiaeth o adnoddau ar gael i gefnogi rhieni, gofalwyr, brodyr a chwiorydd, ac aelodau estynedig o'r teulu i ddeall plentyn neu unigolyn ifanc b/Byddar a’u cefnogi.
Mae gwybodaeth a chymorth ar gael ar gyfer:
- Brodyr a chwiorydd 0 – 5 oed(opens in new tab)
- Brodyr a chwiorydd 6+ oed(opens in new tab)
- Rhieni plant 0 – 2 oed(opens in new tab)
- Rhianta plentyn byddar(opens in new tab)
- Mam-gu a Thad-cu(opens in new tab)
- Teuluoedd sy'n ystyried mabwysiadu plentyn byddar(opens in new tab)
- Teuluoedd un rhiant(opens in new tab)
- Gwarchodwyr plant sy'n gofalu am fabi neu blentyn byddar(opens in new tab)
Grantiau a Chymorth Ariannol
Efallai y bydd gan deuluoedd hawl i gymorth ariannol i helpu gyda’r costau ychwanegol sy'n gysylltiedig â magu plentyn neu unigolyn ifanc byddar.
Efallai y byddwch yn gymwys i wneud cais am:
- Lwfans Byw i'r Anabl (DLA) ar gyfer eich plentyn neu berson ifanc byddar.
- Grantiau ar gyfer offer arbenigol, adnoddau addysgol, gweithgareddau, neu gyfleoedd trwy sefydliadau elusennol.
Gallwch gael rhagor o wybodaeth gan:
- Cambrian Educational Foundation for Deaf(opens in new tab)
- Birkdale Trust for Hearing Impaired Ltd(opens in new tab)
- Y Gymdeithas Genedlaethol i Blant Byddar(opens in new tab)
Gall y sefydliadau hyn gynnig cyngor ymarferol, cymorth ariannol, a gwybodaeth am y cymorth sydd ar gael i blant a phobl ifanc byddar, a'u teuluoedd.
Gweithgareddau Hamdden, Chwarae a Chymdeithasol
Mae cymryd rhan mewn gweithgareddau hamdden, clybiau, a digwyddiadau cymunedol yn helpu plant a phobl ifanc b/Byddar i fagu hyder, datblygu sgiliau newydd, a gwneud ffrindiau.
Llyfrau a Darllen
Mae darllen yn chwarae rhan bwysig yn natblygiad iaith a llythrennedd. Gall llyfrau sy'n cynnwys cymeriadau, profiadau, a modelau rôl b/Byddar positif helpu plant i deimlo eu bod yn cael eu cynrychioli a meithrin cariad at ddarllen ar yr un pryd. Mae yna amrywiaeth o apiau ac adnoddau digidol hefyd sydd wedi'u cynllunio i gefnogi sgiliau iaith, cyfathrebu a gwrando.
- Llyfrau sy'n cynnwys cymeriadau a modelau rôl b/Byddar(opens in new tab)
- Apiau cymorth iaith a gwrando
Teganau a Chwarae Synhwyraidd
Gall teganau cynhwysol helpu plant i archwilio’u hunaniaeth a'u profiadau. Mae teganau sy'n cynnwys cymhorthion clyw, mewnblaniadau cochlea, neu dechnoleg gynorthwyol arall ar gael, ac mae rhai sefydliadau'n rhoi grantiau i helpu teuluoedd i gael mynediad at deganau ac offer synhwyraidd.
- Teganau ac adnoddau cynhwysol
- Grantiau ar gyfer teganau ac offer synhwyraidd
Gweithgareddau a Chlybiau
Mae mynediad at chwaraeon, y celfyddydau, grwpiau ieuenctid, a gweithgareddau cymunedol yn cynnig cyfleoedd gwerthfawr i ryngweithio’n gymdeithasol, datblygu ar lefel bersonol, a mwynhau. Anogir teuluoedd i archwilio gweithgareddau lleol a chenedlaethol sy'n hygyrch ac yn gynhwysol i blant a phobl ifanc b/Byddar.
- Gweithgareddau a chlybiau hygyrch
- Cyfleoedd i ddatblygu sgiliau, hyder, a chyfeillgarwch
Trwy'r adnoddau a'r cyfleoedd hyn, gall plant a phobl ifanc b/Byddar fwynhau bywyd cartref a chymdeithasol cyfoethog a chael y gefnogaeth sydd ei hangen arnynt i gyflawni eu potensial llawn.
Gweler ein tudalen Beth Sy’ ‘Mlaen am fanylion ein gweithgareddau.