Gwybodaeth am y cwrs
Ymyrraeth strwythuredig yw POPAT (Programme of Phoneme Awareness Training) sy’n datblygu ymwybyddiaeth plant o synau lleferydd cyn cyflwyno llythrennau. Trwy ddysgu clywed, adnabod, dadansoddi a thrin synau mewn geiriau, mae plant yn adeiladu’r sylfeini hanfodol ar gyfer darllen, ysgrifennu a sillafu.
Mae POPAT yn arbennig o effeithiol i ddysgwyr ag anawsterau llythrennedd neu anghenion lleferydd ac iaith. Trwy weithgareddau ymarferol, cam wrth gam, mae’n cryfhau sgiliau gwrando, talu sylw ac ymwybyddiaeth ffonolegol, gan help plant i wneud cysylltiadau cryfach rhwng synau a llythrennau wrth i lythrennedd ddatblygu.
Mae hwn yn gwrs 3 diwrnod a bydd sesiynau ar:
- 21ain Medi
- 29ain Medi
- 7fed Hydref
Cynhelir sesiynau o13:00 i 16:00 a rhaid mynychu pob sesiwn.
Nodau’r cwrs
Bydd cyfranogwyr yn:
- Deall egwyddorion a strwythur POPAT.
- Archwilio rôl ymwybyddiaeth ffonolegol a ffonemig mewn datblygiad llythrennedd.
- Dysgu strategaethau ymarferol i ddatblygu sgiliau gwahaniaethu synau, plethu ac ymrannu.
- Magu hyder wrth gyflenwi ymyraethau POPAT mewn sefyllfaoedd unigol a grwpiau bach.
- Deall sut mae POPAT yn cefnogi dysgwyr gydag anawsterau lleferydd, iaith, cyfathrebu a llythrennedd.
- Edrych ar y symudiad o ymwybyddiaeth ffonem tuag at ddarllen, ysgrifennu a sillafu.
Pwy ddylai fynychu?
- Athrawon
- Cynorthwywyr Dysgu
- Ymarferwyr Anghenion Dysgu Ychwanegol (ADY)
Delfrydol i’r rheiny sy’n cefnogi dysgwyr sydd ag anawsterau gyda lleferydd, iaith, cyfathrebu, darllen, ysgrifennu neu sillafu.
Cynnwys y cwrs
- Ymwybyddiaeth ffonolegol a ffonemig
- Sgiliau gwrando a gwahaniaethu clyw
- Adnabod ac ymrannu synau mewn geiriau
- Gweithgareddau ymarferol ac adnoddau POPAT
- Symud o synau lleferydd i synau llythrennau
- Cefnogi sillafu ac ysgrifennu annibynnol
Deilliannau
Bydd cyfranogwyr yn gadael gyda’r wybodaeth, y sgiliau a’r hyder i weithredu POPAT yn effeithiol, gan gefnogi datblygiad llythrennedd cynnar dysgwyr a gwella hyder mewn darllen, ysgrifennu a sillafu.